Ռուսաստանի նախագահ Վլադիմիր Պուտինը Արիության շքանշանով պարգևատրել է ՌԴ ԶՈւ գլխավոր շտաբի պետ Վալերի Գերասիմովին: Համապատասխան հրամանագիրը տեղադրված է իրավական ակտերի պաշտոնական հրապարակման կայքում:
«Զինվորական պարտքը կատարելիս ցուցաբերած արիության, խիզախության և անձնվիրության համար բանակի գեներալ Վալերի Վասիլիի Գերասիմովին պարգևատրել Արիության շքանշանով», - ասվում է փաստաթղթում:
Վալերի Գերասիմովը Ռուսաստանի Գլխավոր շտաբը ղեկավարում է 2012 թվականից։ 2016 թվականին արժանացել է Ռուսաստանի հերոսի կոչման։
