Ֆրանսիայի նախագահ Էմանուել Մակրոնը ցավակցություն է հայտնել Երուսաղեմում տեղի ունեցած հարձակման զոհերի կապակցությամբ և կոչ է արել քաղաքական կարգավորման հասնել իսրայելա-պաղեստինյան հակամարտության հարցում։ Նա այս մասին գրել է X-ում։
«Ֆրանսիան ամենախիստ կերպով դատապարտում է Արևելյան Երուսաղեմում տեղի ունեցած ահաբեկչական հարձակումը։ Ես իմ անկեղծ ցավակցությունն եմ հայտնում զոհերի ընտանիքներին և ամբողջ իսրայելցի ժողովրդին», - գրել է Մակրոնը։
«Բռնության պարույրը պետք է կոտրվի։ Միայն քաղաքական լուծումը կվերականգնի խաղաղությունն ու կայունությունը տարածաշրջանի բոլորի համար», - հավելել է նա։
Հրաձգությունը տեղի է ունեցել Երուսաղեմի հյուսիսային ծայրամասում գտնվող մայրուղային խաչմերուկում: Կրակ է ուղղվել ուղևորատար ավտոբուսի վրա: Ynet պորտալը հայտնել է, որ կրակողները երկուսն էլ վնասազերծվել են: Վերջին տեղեկությունների համաձայն՝ հարձակման հետևանքով զոհվել է վեց մարդ, ևս 12-ը հոսպիտալացվել են:
