Երուսաղեմում տեղի ունեցած հարձակման զոհերի թիվը հասել է հինգի, յոթ մարդ ծանր վիճակում տեղափոխվել է հիվանդանոցներ, հայտնել է Իսրայելի շտապօգնության ծառայությունը (MDA):
Ավելի վաղ հաղորդվել էր չորս մահվան մասին։
«Հիվանդանոցում հաստատվել է 50-ամյա կնոջ մահը, որը տարհանվել էր ծանր վիճակում: MDA խմբերը բժշկական օգնություն են ցուցաբերել և Երուսաղեմի հիվանդանոցներ են տարհանել 12 տուժածի, որոնցից յոթը ծանր վիճակում են՝ հրազենային վերքերով», - ասվում է MDA-ի հայտարարության մեջ:
Պետական հեռարձակող Kan-ի հաղորդմամբ՝ երկուշաբթի առավոտյան երկու զինված տղամարդիկ նստել են ավտոբուս և կրակ բացել ուղևորների վրա Երուսաղեմի Ռամոտ խաչմերուկում։
Իսրայելի ոստիկանությունը հայտարարել է, որ ահաբեկիչները տեղում սպանվել են: Պետական հեռարձակողը հայտնել է, որ հարձակվողները Իսրայել են մտել Արևմտյան ափի պաղեստինյան Քուվեյբա և Քաթանա գյուղերից:
Ոստիկանությունը փակել է Երուսաղեմի շրջակայքում գտնվող բոլոր անցակետերը:
