Եվրամիությունը (ԵՄ) մտադիր է հակառուսական պատժամիջոցների 19-րդ փաթեթում ներառել եվրոպական ապրանքների Ռուսաստան երրորդ երկրների միջոցով վերաարտահանման արգելքը։ Այս մասին հաղորդում է եվրոպական Politico հրատարակությունը։
Նրա խոսքով՝ եվրոպացի դիվանագետները որևէ սկզբունքորեն նոր բան չեն սպասում սահմանափակումների հաջորդ փաթեթից՝ «բացառությամբ մեկի երրորդ երկրների միջոցով վերաարտահանման արգելքի տեսքով»։ Politico-ն նշում է, որ այս միջոցառումը կձեռնարկվի եվրոպական ապրանքների վերաարտահանումը Ռուսաստան կանխելու համար այն երկրների միջոցով, որոնց թույլատրվում է ապրանքներ ներմուծել Եվրոպայից։
Հրատարակությունը նշում է, որ նոր փաթեթն, ընդհանուր առմամբ, ուղղված կլինի «պատժամիջոցների շրջանցման և դրանցից խուսափելու դեմ պայքարին», ինչպես նաև էներգետիկայի և ֆինանսական ոլորտների սահմանափակումների խստացմանը։
Ռուսական կողմը բազմիցս ընդգծել է իր դեմ կիրառված միակողմանի պատժամիջոցների անօրինական բնույթը, ինչպես նաև նշել է, որ դրանք վնասում են հենց այդ միջոցառումների նախաձեռնողներին։
