ՊԵԿ-ը բացահայտել է չհայտարարագրված 8.6 մլրդ դրամի ստվերային շրջանառություն (տեսանյութ)

27.08 11:25 | Կատեգորիա Հասարակություն

Ստվերային շրջանառության դեմ ուղղված հետևողական պայքարի շրջանակում, ՊԵԿ Հետաքննության և օպերատիվ հետախուզության վարչություն օրերս օպերատիվ տեղեկություններ էին ստացվել, որ սպորտային ակումբներից մեկում գրանցված աշխատակիցներն իրենց ստացած աշխատավարձի զգալի մասը ստանում են կանխիկ եղանակով, որոնք չեն արտացոլվում հարկային մարմին ներկայացված հաշվետվություններում: Ընկերությունը նաև հարկերի վճարումից խուսափելու արդյունքում թաքցնում է իրական իրացման շրջանառությունը։

Վարչության ոլորտային թիվ 6 բաժնի աշխատակիցները ձեռնարկել են լայնամասշտաբ օպերատիվ-հետախուզական միջոցառումներ, ստացված տվյալները հաստատվել են։ Ձեռք բերված նյութերի հիմքով, առանձնապես խոշոր չափերի հարկեր չվճարելու առերևույթ հանցագործության հատկանիշներով հաղորդում է ներկայացվել ՀՀ քննչական կոմիտեի տնտեսական հանցագործությունների և մաքսանենգությունների քննության գլխավոր վարչություն, որտեղ նախաձեռնվել է քրեական վարույթ։

ՀՀ քննչական կոմիտեի և Պետական եկամուտների կոմիտեի աշխատակիցները համատեղ սպորտային համալիրի մի շարք հասցեներում կատարել են խուզարկություններ: Առգրավվել են նախաքննությանն անհրաժեշտ իրեր ու փաստաթղթեր։ Ձեռք բերված տվյալների համակողմանի վերլուծության արդյունքում պարզվել է, որ վերջին հինգ տարվա ընթացքում ընկերությունն, առանց ՀԴՄ կտրոնների և համապատասխան հաշվարկային փաստաթղթերի տրամադրման, մի շարք հաճախորդների մատուցել է սպորտային ծառայություններ՝ այդ կերպ թաքցնելով շուրջ 8.6 միլիարդ դրամի իրացման շրջանառություն և չվճարելով շուրջ 2.3 միլիարդ դրամի հարկ պետական բյուջե։ Նշված դեպքի առթիվ հանցավոր խմբի 1 անձի նկատմամբ ՀՀ քրեական օրենսգրքի համապատասխան հոդվածով հարուցվել է հանրային քրեական հետապնդում, ներկայացվել է մեղադրանք, որից հետո պետությանը պատճառված վնասից վերականգնվել է 348․6 մլն․ դրամը։ Նախաքննությունը և հետաքննությունը շարունակվում են, իրականացվում են վարութային գործողություններ և օպերատիվ-հետախուզական միջոցառումներ՝ դեպքի ամբողջական հանգամանքները, հանցավոր խմբի կազմում ներգրավված անձանց ողջ շրջանակը պարզելու, նրանց նկատմամբ քրեաիրավական ներգործության միջոցներ կիրառելու, ինչպես նաև ենթադրյալ հանցագործությամբ պատճառված վնասն ամբողջությամբ վերականգնելու ուղղությամբ։

Հետաքննության և օպերատիվ հետախուզության վարչությունը սպորտային ակումբների միջոցով ծառայություններ մատուցող հարկ վճարողներին հորդորում է զերծ մնալ հարկային մարմին ներկայացված հաշվարկ-հաշվետվություններում կեղծ տվյալներ ներառելու և իրացման շրջանառությունները թերհայտարարագրելու արատավոր երևույթից։ Նման երևույթները բացահայտելու հարցում ՊԵԿ-ը հետևողական է լինելու։

Ամենաշատ կարդացվածներ

Դեսպանի աշխատանքը ձախողելու համար Մակունցին մեդալ են տվել. Լրագրող

24.08 16:57 | Կատեգորիա Մտքեր

Երգչուհի Արմինկան նշում է ծննդյան տարեդարձը (Լուսանկար)

24.08 17:15 | Կատեգորիա Ժամանց

«Puma» Ուզբեկստանը՝ սկանդալի կենտրոնում

25.08 15:45 | Կատեգորիա Քաղաքական

Պայթյուն և հրդեհ Մոսկվայի «Մանկական աշխարհ»-ում. կան տուժածներ և զոհ (տեսանյութ)

24.08 17:47 | Կատեգորիա Համաշխարհային

Պուտինը կմեկնի Չինաստան

24.08 17:37 | Կատեգորիա Համաշխարհային

Կադրային փոփոխություններ մրցույթից առաջ․ կանխորոշվա՞ծ են բուժկենտրոնների տնօրենների նշանակումները (տեսանյութ)

25.08 20:03 | Կատեգորիա Քաղաքական

Մահացել է Արա Խանջյանը

24.08 17:24 | Կատեգորիա Հասարակություն

«Ալիևը լրիվ իրեն կորցրել է». Ռուսաստանը հարվածում է ադրբեջանական նավթագազային օբյեկտներին Ուկրաինայում (տեսանյութ)

25.08 20:30 | Կատեգորիա Քաղաքական

Փաշինյանը մեզ տանում է կործանման սահմանադրություն փոխելով, ադրբեջանցիներ վերադարձնելով. Վահե Գասպարյան (տեսանյութ)

25.08 21:30 | Կատեգորիա Քաղաքական

ՈՒՂԻՂ

Վաշինգտոնում սահմանադրություն չի քննարկվել, և մենք որևէ երրորդ երկրի առջև պարտավորություն չունենք. Արարատ Միրզոյան