Ուկրաինայի անվտանգության երաշխիքների նախագիծը կարող է պատրաստ լինել հաջորդ շաբաթվա սկզբին, որից հետո կարող են սկսվել «քաղաքական ուղու» աշխատանքները։ Այս մասին հայտարարել է Ուկրաինայի փոխարտգործնախարար Սերգեյ Կիսլիցան, որը Կիևի պատվիրակության կազմում էր օգոստոսի 18-ին Վլադիմիր Զելենսկու և ԱՄՆ նախագահ Դոնալդ Թրամփի հանդիպմանը։
«Եթե խոսքը անվտանգության երաշխիքների մասին է, սա շատ կարևոր և բարդ հարց է։ Եվ Ուկրաինայի համար անվտանգության երաշխիքների փաթեթի վերջնական նախագիծը պատրաստելու համար կպահանջվի առնվազն մեկ շաբաթ։
Իդեալական դեպքում մենք կարող ենք ունենալ առաջին նախագիծը հաջորդ շաբաթ, որից հետո ղեկավարությունը պետք է որոշի, թե ինչպես ենք մենք աշխատելու այդ փաստաթղթի վրա քաղաքականության տեսանկյունից», - ասել է Կիսլիցյան NBC News-ի «Հանդիպում մամուլի հետ» հաղորդմանը։
Նա հավելել է, որ անվտանգության երաշխիքները պետք է համաձայնեցվեն Կիևի արևմտյան դաշնակիցների կողմից և «չեն կարող քննարկման առարկա լինել Ռուսաստանի հետ»։
