Թուրքմենստանի Ժողովրդական խորհրդի (Խալկ Մասլահաթի) նախագահ Գուրբանգուլի Բերդիմուհամեդովը հայտարարել է Ադրբեջանի միջոցով եվրոպական երկրներ թուրքմենական էլեկտրաէներգիա մատակարարելու հնարավորության մասին, հաղորդում է «Neutral Turkmenistan» պաշտոնական թերթը։
Ուրբաթ օրը Կասպից ծովի թուրքմենական ափին՝ Ավազա զբոսաշրջային գոտում, տեղի ունեցավ եռակողմ գագաթնաժողով՝ Բերդիմուհամեդովի, ինչպես նաև Ադրբեջանի և Ուզբեկստանի նախագահներ Իլհամ Ալիևի և Շավքաթ Միրզիյոևի մասնակցությամբ։
Հանդիպումից հետո առաջնորդները համատեղ հայտարարություն են ընդունել։ Ստորագրվել են հուշագրեր քաղաքացիական ավիացիայի, նավաշինության, տրանսպորտի և լոգիստիկայի համագործակցության ոլորտներում, ինչպես նաև արձանագրություն՝ թուրքմենական Արկադաղ և ադրբեջանական Ֆիզուլի քաղաքների միջև քույր քաղաքների հարաբերություններ հաստատելու մասին։
