Եվրոպական Միությունը ողջունում է ԱՄՆ նախագահ Դոնալդ Թրամփի կողմից կազմակերպված Ադրբեջանի նախագահ Իլհամ Ալիևի և Հայաստանի վարչապետ Նիկոլ Փաշինյանի հանդիպման արդյունքները, հայտարարել են Եվրոպական խորհրդի և Եվրոպական հանձնաժողովի ղեկավարները։
«ԵՄ-ն նաև ողջունում է Հայաստանի և Ադրբեջանի միջև խաղաղության համաձայնագրի նախաստորագրումը և միջպետական հարաբերությունների հաստատումը», – ասվում է Եվրոպական խորհրդի նախագահ Անտոնիո Կոշտայի և Եվրոպական հանձնաժողովի նախագահ Ուրսուլա ֆոն դեր Լայենի համատեղ հայտարարության մեջ։
ԵՄ ինստիտուտների ղեկավարների խոսքով՝ «վարչապետ Փաշինյանի և նախագահ Ալիևի կողմից Սպիտակ տանը նախագահ Թրամփի ներկայությամբ քաղաքական հռչակագրի ստորագրումը կարևոր իրադարձություն է ինչպես Հայաստանի, այնպես էլ Ադրբեջանի համար, որը բացում է երկու երկրներում և ամբողջ տարածաշրջանում երկարատև և կայուն խաղաղության ճանապարհը և ԵՄ երկարամյա ջանքերի գագաթնակետը»։
