Հունաստանի Կավալա քաղաքում ավարտվել է «34th International Chess Open Tournament of Kavala 2025» շախմատի միջազգային մրցաշարը:
Հայաստանի շախմատի ֆեդերացիան ներկայացնում է հայ շախմատիստների գրանցած արդյունքները․
«Մրցաշարի Ա խմբում գրոսմայստեր Էմին Օհանյանը 9 հնարավորից վաստակեց 6.5 միավոր և զբաղեցրեց 5-րդ հորիզոնականը:
ՖԻԴԵ-ի վարպետ Մանվել Առաքելյանը վաստակեց 6 միավոր և զբաղեցրեց 1-ին հորիզոնականը 14 տարեկանների պայքարում:
Վարպետության թեկնածու Տիգրան Համբարձումյանը վաստակեց 5.5 միավոր և լրացրեց միջազգային վարպետի իր առաջին նորման: Նա նաև 106.8 կետով բարելավեց իր միջազգային վարկանիշը:
Արեն Մնացականյանը վաստակեց 5 միավոր և 98 կետով բարելավեց իր միջազգային վարկանիշը: Այս արդյունքով նա հաղթահարեց վարպետության թեկնածուի կոչման համար անհրաժեշտ 2200 վարկանիշային շեմը։
Մրցաշարի Բ խմբում Ալլեն Հակոբյանը վաստակեց 6.5 միավոր և բարելավեց իր միջազգային վարկանիշը 123.6 կետով:
Դավիթ Մելքոնյանը վաստակեց 5.5 միավոր և զբաղեցրեց առաջին հորիզոնականը 10 տարեկանների պայքարում:
Մրցաշարի Գ խմբում Արամայիս Ավթանդիլյանը վաստակեց 7 միավոր և զբաղեցրեց 6-րդ հորիզոնականը:
Մրցաշարի Դ խմբում հաղթող ճանաչվեց Ռուբեն Ղարագյոզյանը, ով վաստակեց 7.5 միավոր»:
