Մոսկվայում 2025 թվականի առաջին 6 ամիսներին վաճառվել է 67 հազար նոր մարդատար մեքենա, ինչը 28%-ով պակաս է նախորդ տարվա հունվար-հունիսի համեմատ։ Այս մասին հայտնել է «Ավտոստատ» վերլուծական գործակալությունը։
2025 թվականի առաջին կեսին Մոսկվայում ամենաշատ վաճառվող նոր մեքենան եղել է Geely Monjaro-ն։ Հաշվետու ժամանակահատվածում վաճառվել է 2.7 հազար մեքենա։ Մոդելային վարկանիշում երկրորդ տեղը զբաղեցրել է Belgee X50-ը (2.6 հազար միավոր)։ Երրորդ տեղում է Haval Jolion-ը (2.4 հազար միավոր)։
Առաջատար հնգյակում են եղել նաև Belgee X70-ը և Lada Granta-ն (համապատասխանաբար՝ 1.9 հազար և 1.8 հազար միավոր)։
Մինչ այդ, «Կոմերսանտ»-ը հայտնել էր, որ ռուս դիլերները սկսել են վաճառել նոր չինական մեքենաներ մինչև մեկ միլիոն ռուբլի զեղչերով։
«Դիլերների պահեստների գերբեռնվածությունը հանգեցրել է նոր չինական մեքենաների զգալի զեղչերի. զեղչերի միջակայքը տարբեր մոդելների համար տատանվում է 150 հազարից մինչև 1 միլիոն ռուբլի: Ընկերությունները փորձում են ազատվել պաշարներից, որոնք Կենտրոնական բանկի բարձր տոկոսադրույքի համատեքստում պահպանելը դառնում է չափազանց թանկ», - հաղորդում է հրատարակությունը:
Թարգմանությունը՝ Մանուել Թամազյանի
