Ամերիկացի և իսրայելցի պաշտոնյաների հռետորաբանությունը որևէ վստահության արժանի չէ, Իրանը պատրաստ է հետ մղել ԱՄՆ-ի և Իսրայելի կողմից հնարավոր նոր հարձակումը։ Այս մասին հայտարարել է Իսլամական Հանրապետության զինված ուժերի գլխավոր շտաբի պետ, գեներալ-լեյտենանտ Աբդուլռահիմ Մուսավին։
«Մենք չենք վստահում ԱՄՆ-ի և սիոնիստական ռեժիմի խոսքերին ու խոստումներին, մենք նաև լիովին պատրաստ ենք ապագայում հետ մղել նրանց հարձակումը», - նրա խոսքերն է մեջբերում Իրանի պաշտպանության նախարարության Defa Press պորտալը։
Գեներալը նշել է, որ ԱՄՆ-ն և Իսրայելը Իրանի հետ զինված հակամարտության ժամանակ համաշխարհային հանրությանը ցույց տվեցին, որ չեն պատրաստվում պահպանել միջազգային իրավունքը։
«Թշնամին լուրջ կորուստներ կրեց և չհասավ իր նպատակներին, ուստի հրադադար խնդրեց՝ սիոնիստական ռեժիմը փրկելու համար», - հավելել է նա։
