Պեկինի ավելի քան 80,000 բնակիչներ տեղափոխվել են ավելի անվտանգ վայրեր՝ ուժեղ անձրևների պատճառով, հաղորդում է Չինաստանի կենտրոնական հեռուստատեսությունը։
«Մինչ օրս Պեկինում վերաբնակեցվել է ընդհանուր առմամբ 80 332 մարդ», - ասվում է հայտարարության մեջ։
Հեռուստաալիքը նշում է, որ տեղահանվածների ամենամեծ թվով երեք շրջաններն են Միյունը և Հուաիրոն, որոնք գտնվում են քաղաքի հյուսիսային ծայրամասում, ինչպես նաև Ֆանգշան շրջանը, որը գտնվում է մայրաքաղաքի հարավ-արևմուտքում։
Ավելի վաղ հեռուստաալիքը հայտնել էր, որ Պեկինում երկարատև անձրևների պատճառով մահացել է 30 մարդ, այդ թվում՝ 28 մարդ Միյուն շրջանում և երկուսը՝ Յանցին շրջանում։
Չինաստանի ազգային զարգացման և բարեփոխումների հանձնաժողովը 200 միլիոն յուան (մոտ 27,8 միլիոն դոլար) է հատկացրել Պեկինին ուժեղ անձրևների հետևանքով առաջացած ջրհեղեղներից հետո վերականգնմանը աջակցելու համար։
Ավելի վաղ Չինաստանի նախագահ Սի Ծինփինը կոչ էր արել իշխանություններին լուրջ աշխատանքներ իրականացնել ջրհեղեղները կանխելու և բնական աղետների հետևանքները վերացնելու համար։
