Իսրայելը առանձին պաղեստինյան պետության հնարավոր ձևավորումը համարում է իր անվտանգությանը սպառնացող վտանգ և թույլ չի տա դրա ստեղծումը, հայտարարել է Իսրայելի պաշտպանության նախարար Իսրայել Կացը՝ մեկնաբանելով Ֆրանսիայի նախագահ Էմանուել Մակրոնի՝ Պաղեստինը ճանաչելու որոշումը։
«Մենք թույլ չենք տա պաղեստինյան կազմավորման ստեղծում, որը կվնասի մեր անվտանգությանը, կսպառնա մեր գոյությանը և կխախտի Իսրայելի հողի նկատմամբ մեր պատմական իրավունքը։ Մենք բոլորս միավորված ենք այս լուրջ վտանգը կանխելու համար», – գրել է նա X-ում։Կացի խոսքով՝ «Մակրոնի կողմից Պաղեստինի պետությունը ճանաչելու մտադրության մասին հայտարարությունը ամոթ է և կապիտուլյացիա ահաբեկչության առջև, ինչպես նաև պարգև և աջակցություն ՀԱՄԱՍ-ին, ովքեր 2023 թվականի հոկտեմբերի 7-ին իրականացրին հրեա ժողովրդի ամենասարսափելի կոտորածը Հոլոքոստից ի վեր»։
«Այս դժվարին ժամանակներում Իսրայելին աջակցելու փոխարեն, Ֆրանսիայի նախագահը աշխատում է թուլացնել այն», – կարծում է Իսրայելի պաշտպանության նախարարը։
