ԱՄՆ նախագահ Դոնալդ Թրամփը որոշել է դուրս բերել Միացյալ Նահանգները ՅՈՒՆԵՍԿՕ-ից, քանի որ կազմակերպությունը աջակցում է նախաձեռնություններին, որոնք չեն համապատասխանում ամերիկյան շահերին, հայտարարել է Սպիտակ տան մամուլի քարտուղարի տեղակալ Աննա Քելլին։
«Նախագահ Թրամփը որոշում է կայացրել դուրս բերել Միացյալ Նահանգները ՅՈՒՆԵՍԿՕ-ից, որը աջակցում է առաջադեմ, պառակտող մշակութային և սոցիալական գաղափարներին, որոնք լիովին հակասում են այն առողջ բանականության քաղաքականությանը, որի օգտին ամերիկացիները քվեարկել են նոյեմբերին», - ասել է նա New York Post-ին։
