ԱՄՆ-ը հետաքննում է Իրանին հարվածելու Իսրայելի ծրագրերի մասին գաղտնի տեղեկության արտահոսքը

20.10 12:32 | Կատեգորիա Համաշխարհային

ԱՄՆ-ը հետաքննում է Իրանի դեմ հակահարված տալու Իսրայելի ծրագրերի վերաբերյալ գաղտնի հետախուզական տվյալների արտահոսքը, հայտնում է CNN-ը՝ հղում անելով սեփական աղբյուրներին։

Արտահոսքը «խորապես մտահոգիչ է», CNN-ին ասել է ամերիկացի պաշտոնյան:

Հոկտեմբերի 15-ով և 16-ով թվագրված փաստաթղթերը, ինչպես հաղորդվում է, սկսել են համացանցում տարածվել ուրբաթ օրը, որոնք տեղադրվել են «Middle East Spectator» տելեգրամյան ալիքում:

Փաստաթղթերը նշված են «հույժ գաղտնի» և ունեն նշումներ, որոնք ցույց են տալիս, որ դրանք նախատեսված են միայն ԱՄՆ–ի և նրա հինգ դաշնակիցների՝ Ավստրալիայի, Կանադայի, Նոր Զելանդիայի և Միացյալ Թագավորության դիտման համար:

Հրապարակված փաստաթղթերը նկարագրում են այն նախապատրաստությունները, որոնք Իսրայելը, կարծես թե, իրականացնում է Իրանին հարվածելու համար։

Փաստաթղթերից մեկում, որը, իմչպես պնդվում է, կազմվել է Ազգային աշխարհատարածական-հետախուզական գործակալության կողմից, ասվում է, որ ծրագրերը ներառում են իսրայելական զինամթերքի տեղափոխում:

Մեկ այլ փաստաթղթում ասվում է, որ այն ձեռք է բերվել Ազգային անվտանգության գործակալության կողմից և նկարագրում է Իսրայելի ռազմաօդային ուժերի զորավարժությունները՝ «օդ-երկիր» հրթիռների օգտագործմամբ, որոնք նույնպես, ինչպես ենթադրվում է, պատրաստության են բերվում Իրանին հարված հասցնելու համար:

Փաստաթղթերից մեկում նշվում է նաև, որ Իսրայելը միշտ հրաժարվել է հրապարակայնորեն հաստատել, որ երկիրը միջուկային զենք ունի։ Փաստաթղթում ասվում է, որ ԱՄՆ-ը որևէ նշան չի տեսել, որ Իսրայելը մտադիր է միջուկային զենք կիրառել Իրանի դեմ:

Հեռուստաալիքի պաշտոնական աղբյուրը հայտնել է, որ հետաքննությունը պարզում է, թե ում է հասանելի եղել Պենտագոնի ենթադրյալ փաստաթուղթը։ Ցանկացած նման արտահոսքի դեպքում ՀԴԲ-ն ավտոմատ կերպով հետաքննություն կսկսի՝ Պենտագոնի և ԱՄՆ հետախուզական գործակալությունների հետ համատեղ:

«Եթե ճիշտ է, որ հոկտեմբերի 1-ին Իրանի հարձակմանը պատասխանելու իսրայելական մարտավարական ծրագրերի արտահոսք է տեղի ունեցել, ապա դա լուրջ խախտում է», - ասել է Մերձավոր Արևելքի հարցերով պաշտպանության նախարարի նախկին տեղակալ և ԿՀՎ պաշտոնաթող սպա Միք Մալրոյը:

Ըստ Մալրոյի, «ԱՄՆ-ի և Իսրայելի միջև ապագա կոորդինացումը նույնպես կարող է կասկածի տակ դրվել: Վստահությունը հարաբերությունների հիմնական բաղադրիչն է, և կախված այն բանից, թե ինչպես է տեղեկությունը արտահոսել, այդ վստահությունը կարող է խաթարվել»:

Ամենաշատ կարդացվածներ

Հայաստանի ժամանակը սպառվում է. Ալիևը «լափառոշ» ծիծաղով խոստովանեց ամենավտանգավորը. Նաիրա Զոհրաբյան (տեսանյութ)

21.07 22:00 | Կատեգորիա Քաղաքական

Ուժգին երկրաշարժ՝ Ռուսաստանում

22.07 00:43 | Կատեգորիա Ռուսաստան

2026թ-ի ընտրությունները կարող են վերջինը լինել. մարդկանց որսում, «լցնում են» բանտերը․ Սուքիասյան (տեսանյութ)

22.07 21:30 | Կատեգորիա Քաղաքական

Իշխանությունը հաստատում է Ռոմանոս Պետրոսյանին վերադարձնել ՊՎԾ․ նրան կփոխարինի փոխարինողը. «Ժողովուրդ».

22.07 07:59 | Կատեգորիա Մամուլ

Այս տարվա նոր iPad Pro-ն կզարմացնի իր տեսախցիկների քանակով

21.07 22:34 | Կատեգորիա Գիտություն և մշակույթ

Ես կնքված եմ, գնալու եմ Նիկոլ Փաշինյանի հետևից. Հրաչյա Հակոբյանը` Էջմիածնի հանրահավաքի մասին (տեսանյութ)

23.07 00:14 | Կատեգորիա Քաղաքական

Կոթի գյուղում հրդեհ է բռնկվել՝ փորձելով տարածվել դեպի անտառ

21.07 20:56 | Կատեգորիա Պատահարներ

Արցախցու համար տրանսպորտ նստել, հանրահավաքի գալը խնդիր է․սա Արցախը չէ՝ ոտքով մի քաղաքից մյուսը գնան (տեսանյութ)

21.07 21:30 | Կատեգորիա Քաղաքական

«Բարսելոնան» մեկ օրում մարզաշապիկների վաճառքի ռեկորդ է գրանցել

22.07 00:55 | Կատեգորիա Սպորտ

ՈՒՂԻՂ

Թաիլանդում բացատրել են՝ Կամբոջայի հարձակման ժամանակ ինչու են քաղաքացիական անձինք տուժել