ԱՄՆ նախագահ Դոնալդ Թրամփի կողմից եվրոպական բոլոր ներմուծումների վրա լրացուցիչ 30 տոկոս մաքսատուրք սահմանելու հայտարարությունը, ըստ էության, երկկողմ առևտրի խոչընդոտող միջոց է, հայտարարել է ԵՄ առևտրի հանձնակատար Մարոշ Շևչովիչը։
«Մենք ափսոսանքով և հիասթափությամբ ընդունեցինք ԱՄՆ նախագահի կողմից Եվրոպական Միությանը ուղարկված նամակը, հատկապես հաշվի առնելով մեր ներկայիս բանակցությունների առաջադեմ փուլը։
Ինչպես գիտեք, Եվրամիությունը այս բանակցություններին մոտեցել է բարի կամքով, ամբողջ ինտենսիվությամբ։ Եկեք ազնիվ լինենք, 30 տոկոս սակագնային դրույքաչափի գաղափարը փաստացի արգելող միջոց է փոխադարձ առևտրի համար։
«Մենք շարունակում ենք համոզված լինել, որ մեր տրանսատլանտյան հարաբերությունները արժանի են բանակցային լուծման», - ասել է նա Բրյուսելում կայանալիք ԵՄ արտաքին առևտրի խորհրդի նիստից առաջ։
