Ժաննա Անդրեասյանը հանդիպել է Վրաստանի մշակույթի նախարարին

12.07 14:38 | Կատեգորիա Քաղաքական

ՀՀ կրթության, գիտության, մշակույթի և սպորտի նախարար Ժաննա Անդրեասյանը Վրաստան կատարած աշխատանքային այցի շրջանակում հանդիպել է Վրաստանի մշակույթի նախարար Թինաթին Ռուխաձեին։

Հանդիպմանը մասնակցել են ԿԳՄՍ նախարարի տեղակալ Ալֆրեդ Քոչարյանը և Վրաստանում ՀՀ դեսպան Աշոտ Սմբատյանը։

Շնորհակալություն հայտնելով հրավերի համար՝ Ժաննա Անդրեասյանը կարևորել է երկու պետությունների միջև բարեկամական սերտ համագործակցությունը, ինչպես նաև մշակույթի ոլորտում համատեղ ծրագրերի ընդլայնման հնարավորությունները: ԿԳՄՍ նախարարը կարևորել է նաև երկու պետություններում կազմակերպվող մշակութային միջոցառումները, որոնց շրջանակում 2025 թվականի հունիսի 5-7-ը Հայաստանում կայացան Վրաստանի մշակույթի օրերը:

Ժաննա Անդրեասյանն ընդգծել է հուլիսի 12-ին Գանձա գյուղում Վահան Տերյանի տուն-թանգարանի վերաբացման կարևորությունը՝ շեշտելով, որ բացման արարողությանը համատեղ մասնակցությունը Հայաստան-Վրաստան մշակութային կապերի ամրապնդման խթան կհանդիսանա։

Հանդիպման ավարտին երկու երկրների նախարարությունների միջև ստորագրվել է ծրագիր՝ մշակույթի բնագավառում 2025-2027 թթ. համագործակցությունը շարունակելու վերաբերյալ։ Կողմերը կխրախուսեն երկու երկրների համապատասխան հաստատությունների և կազմակերպությունների միջև տեղեկությունների և մասնագետների փոխանակումը, ինչպես նաև գրականության, թատրոնի, կինեմատոգրաֆիայի, երաժշտության, կերպարվեստի, թանգարանների, գրադարանային գործի, հրատարակչության, հուշարձանների և ոչ նյութական մշակութային ժառանգության պահպանության բնագավառներում համագործակցությունը։

Կխրախուսվեն փոխադարձ մասնակցությամբ կազմակերպվող մշակութային միջոցառումները, այդ թվում՝ երաժշտական, ֆիլմերի, պարարվեստի և թատերական փառատոների, մրցույթների և աշխատաժողովների կազմակերպման միջոցով։

Նախատեսվում է դիտարկել նաև 2026 թվականին Վրաստանում Հայաստանի մշակույթի օրեր անցկացնելու հնարավորությունը։

Հաշվի առնելով երկրների առաջնահերթությունները՝ կողմերը կհամագործակցեն նաև ՅՈՒՆԵՍԿՕ-ի և այլ միջազգային կազմակերպությունների իրավասության ներքո գտնվող հարցերի, «Ստեղծագործ Եվրոպա» ծրագրի, ինչպես նաև Եվրոպական միության և Եվրոպայի խորհրդի կողմից ֆինանսավորվող այլ ծրագրերի շրջանակում։

Այցի շրջանակում Ժաննա Անդրեասյանն այցելել է նաև Վրաստանի ազգային թանգարան։

Ամենաշատ կարդացվածներ

Ֆրանսիական դատարանը արդարացրել է լրագրողին, որը հայտարարել էր, որ Մակրոնի կինը փոխել է սեռը

10.07 19:38 | Կատեգորիա Համաշխարհային

Իրավապահ մարմինները հայտնվել են ծանր դրության մեջ. Գևորգ Դանիելյանը «իշխանության զավթման» մասին (տեսանյութ)

10.07 17:46 | Կատեգորիա Քաղաքական

Հակաեկեղեցական արշավի շրջանակում Պետրոսը կարող է ավելի հեշտ լուծում գտնել

09.07 23:40 | Կատեգորիա Մտքեր

«Հպարտ եմ, որ երակներովս քո արյունն է հոսում»․ կրտսեր Սոֆի Դևոյանը շնորհավորել է տատիկի 76-ամյակը

10.07 01:03 | Կատեգորիա Ժամանց

Կիևում Ուկրաինայի անվտանգության ծառայության գնդապետ է սպանվել

10.07 13:38 | Կատեգորիա Համաշխարհային

Նռնակի մեջ սիսեռի հատիկներ են, սպորտային խաղի համար է․ փաստաբան

10.07 13:33 | Կատեգորիա Քաղաքական

Ֆուտբոլիստ Դիոգու Ժոտայի մասնակցությամբ մաhացnւ վթարի հետևանքների ականատեսը հայտարարություն է արել

10.07 18:13 | Կատեգորիա Սպորտ

WP. Թրամփը հաստատել է Ուկրաինային զենք մատակարարելու որոշ հարցումներ

10.07 13:31 | Կատեգորիա Համաշխարհային

Դանակահարություն գազալցակայանում․ Կոտայքի քրեական ոստիկանները մեղադրյալին ձերբակալել են

10.07 18:29 | Կատեգորիա Պատահարներ

ՈՒՂԻՂ