16-ամյա դեռահասը դանակով հարձակվել է երեխաների և ուսուցչի վրա Բրազիլիայի հարավում գտնվող դպրոցներից մեկում, հաղորդում է NDTV-ն։
Տեղական իշխանությունները հայտնել են, որ միջադեպը տեղի է ունեցել երեքշաբթի օրը Ռիու Գրանդի դու Սուլ նահանգի Մարիա Նասիմենտո Ջակոմացիի անվան դպրոցում: Լրատվամիջոցների հաղորդմամբ՝ ինը տարեկան տղան կյանքի հետ անհամատեղելի վնասվածքներ է ստացել: Վիրավորվել են նաև ութամյա աղջիկ և 34-ամյա ուսուցչուհի, որը փորձել է կանգնեցնել հարձակվողին: Ոստիկանության տվյալներով՝ երկուսն էլ գտնվում են հիվանդանոցում՝ կայուն վիճակում:
Չնայած զենքի տեսակը պաշտոնապես չի անվանվել, տեղական քաղաքային խորհրդի խոսնակ Գևերսոն Զիմերմանը հայտարարել է, որ զոհերը դանակահարվել են։ Նա հավելել է, որ կասկածյալը ծանոթ էր ուսուցիչներին և հոգեբանական խորհրդատվություն էր ստանում։
Զիմերմանն ասել է, որ դպրոցի անվտանգությունը վերջերս ուժեղացվել է՝ լրացուցիչ ցանկապատերով և պահակներով` բրազիլական դպրոցների վրա հարձակումների աճի ֆոնին:
