Չինաստանի իշխանությունները հետևողականորեն խաղաղ քաղաքականություն են վարել այլ երկրների, այդ թվում՝ Միացյալ Նահանգների նկատմամբ, հայտարարել է Չինաստանի արտաքին գործերի նախարարության պաշտոնական ներկայացուցիչ Մաո Նինգը։
«Չինաստանը միշտ քննարկել և լուծել է հարցերը՝ համաձայն փոխադարձ հարգանքի, խաղաղ համակեցության և փոխշահավետ համագործակցության սկզբունքների», - ասել է նա ճեպազրույցի ժամանակ՝ պատասխանելով ՏԱՍՍ-ի հարցին այն մասին, թե ինչպես է չինական կողմը գնահատում ԱՄՆ նախագահ Դոնալդ Թրամփի խոսքերը, ով Պեկինի դիրքորոշումը Վաշինգտոնի նկատմամբ անվանել է «արդարացի»։
Ավելի վաղ Թրամփն ասել էր, որ վերջերս Միացյալ Նահանգների և Չինաստանի միջև հարաբերությունները բարելավվել են, և որ Պեկինը Վաշինգտոնի հետ արդարացի է վարվում առևտրի հարցում։ Նա նաև հույս էր հայտնել, որ ԱՄՆ-Չինաստան հարաբերությունները կշարունակեն լինել «գերազանց»։
