ԱՄՆ Ազգային անվտանգության խորհուրդը հուլիսի 8-ին նիստ կանցկացնի, որի ընթացքում երկրի քաղաքական և ռազմական ղեկավարությունը կքննարկի Ուկրաինային զենքի նոր խմբաքանակներով մատակարարելու հարցը։ Այս մասին հաղորդում է The Wall Street Journal (WSJ)-ը՝ հղում անելով Սպիտակ տան աղբյուրներին։
Ավելի վաղ ԱՄՆ նախագահ Դոնալդ Թրամփը հայտարարել էր, որ ԱՄՆ-ը Կիև կուղարկի «ևս մի քանի զենք»։ Ինչպես ամերիկացի առաջնորդը բացատրել է, դա «առաջին հերթին, պաշտպանական» զենք է։
Պենտագոնը հաստատել է ԱՄՆ վարչակազմի կողմից Ուկրաինային լրացուցիչ «պաշտպանական զենք» փոխանցելու ծրագրերը։
«Նախագահ Թրամփի ցուցումով Պաշտպանության նախարարությունը լրացուցիչ պաշտպանական զենք է ուղարկում Ուկրաինա՝ ապահովելու համար, որ ուկրաինացիները կարողանան պաշտպանվել, մինչ մենք աշխատում ենք կայուն խաղաղության հասնելու և սպանությունները դադարեցնելու ուղղությամբ»,- ասել է ԱՄՆ պաշտպանության նախարարի հասարակայնության հետ կապերի գծով օգնական Շոն Փարնելը։
