Եվրոպական հանձնաժողովի նախագահ Ուրսուլա ֆոն դեր Լայենը և ԱՄՆ նախագահ Դոնալդ Թրամփը կիրակի՝ հուլիսի 6-ին, հեռախոսազրույցում «կարծիքների լավ փոխանակում» են ունեցել, հայտնել է հանձնաժողովի խոսնակը, հաղորդում է Reuters-ը։
Կազմակերպության տվյալներով՝ ԵՄ-ի նպատակը մնում է Վաշինգտոնի հետ առևտրային համաձայնագրի հասնելը մինչև հուլիսի 9-ը։
«Մենք ցանկանում ենք համաձայնության գալ սակագների վերաբերյալ Միացյալ Նահանգների հետ։ Մենք ցանկանում ենք հասնել փոխադարձ շահեկան արդյունքների, այլ ոչ թե պարտվողականների», - լրագրողներին ասել է մամուլի խոսնակը ճեպազրույցի ժամանակ։
Ավելի վաղ ԱՄՆ ֆինանսների նախարար Սքոթ Բեսենթը հայտարարել էր, որ ԱՄՆ-ի կողմից կասեցված առևտրային մաքսատուրքերը ուժի մեջ կմտնեն օգոստոսի 1-ից, եթե մինչ այդ պահը երկկողմ բանակցություններում առաջընթաց չգրանցվի։
