Թուրքիայի արտաքին գործերի նախարար Հաքան Ֆիդանը հույս ունի երկուշաբթի օրը Բրազիլիայում կայանալիք BRICS գագաթնաժողովի շրջանակներում իր ռուս գործընկեր Սերգեյ Լավրովի հետ բանակցություններ վարել, ՌԻԱ Նովոստիին հայտնել է Թուրքիայի արտաքին գործերի նախարարության աղբյուրը։
«Արտգործնախարար Հաքան Ֆիդանը այսօր (հուլիսի 7-ին) մեր նախագահի (Թայիփ Էրդողանի) անունից կմասնակցի Ռիո դե Ժանեյրոյում կայանալիք BRICS 17-րդ գագաթնաժողովի շրջակա միջավայրի, COP30-ի և գլոբալ առողջապահության նիստին», - ասել է գործակալության աղբյուրը։
Նրա խոսքով՝ երկուշաբթի օրը նախատեսված են մի շարք երկկողմ հանդիպումներ Հաքան Ֆիդանի հետ։
«Նախատեսվում են հանդիպումներ Ռուսաստանի արտաքին գործերի նախարար Սերգեյ Լավրովի, ՄԱԿ-ի գլխավոր քարտուղար Անտոնիո Գուտերեշի և Ղազախստանի փոխվարչապետ և արտաքին գործերի նախարար Մուրատ Նուրտլեուի հետ», - ճշտել է աղբյուրը։
