Meta-ի ղեկավար Մարկ Ցուկերբերգին դուրս են հանել Սպիտակ տան Օվալաձև աշխատասենյակից այն բանից հետո, երբ նա փակ խորհրդակցության ժամանակ անսպասելիորեն մտել է ներս: Այս մասին հայտնել է ամերիկյան NBC հեռուստաալիքը:
Նշվում է, որ Meta-ի ղեկավարը հանկարծակի հայտնվել է օվալաձև աշխատասենյակի շեմին ԱՄՆ նախագահ Դոնալդ Թրամփի՝ զինվորականների հետ խորհրդակցության ժամանակ, որտեղ նրանք քննարկել են վեցերորդ սերնդի հեռանկարային F-47 կործանիչը: Դրանից հետո Ցուկերբերգին խնդրել են լքել օվալաձև աշխատասենյակը:
Որոշ պաշտոնյաներ մտահոգված են ստեղծված իրավիճակով, քանի որ Ցուկերբերգը համապատասխան թույլտվություն չունի գաղտնի տեղեկատվությանը:
Դոնալդ Թրամփը նախօրեին Սպիտակ տունը համեմատել է կայարանի հետ՝ այցելուների հոսքի պատճառով։ Նշվում է, որ օգնականները տարիներ շարունակ փորձել են Թրամփին խրատել, սակայն չեն կարողացել լիարժեք հաջողության հասնել:
