Ուկրաինան կարճաժամկետ հեռանկարում չի կարողանա առանց Արևմուտքի հնարավոր աջակցության, չորեքշաբթի օրը հայտարարել է ՆԱՏՕ-ի գլխավոր քարտուղար Մարկ Ռյուտեն՝ մեկնաբանելով Կիևին ԱՄՆ-ի կողմից զենքի մատակարարման մասնակի դադարեցումը։
«Կարճաժամկետ հեռանկարում Ուկրաինան չի կարող գոյատևել առանց այն ողջ աջակցության, որը կարող է ստանալ զինամթերքի և հակաօդային պաշտպանության համակարգերի առումով», - ասել է նա Fox News-ին։
Ռյուտեն նաև նշել է, որ Վաշինգտոնի կողմից ռազմական օգնության կրճատման ֆոնին, Եվրոպան, ընդհակառակը, մտադիր է մեծացնել Կիևին ցուցաբերվող աջակցությունը։
