Իսրայելի վարչապետ Բենիամին Նեթանյահուն կառավարության նիստի սկզբում հայտարարել է, որ հաջորդ շաբաթ Վաշինգտոնում հանդիպումներ է ունենալու ԱՄՆ նախագահ Դոնալդ Թրամփի, փոխնախագահ Ջեյ Դի Վենսի, պետքարտուղար Մարկո Ռուբիոյի, պաշտպանության նախարար Փիթ Հեգսեթի և ԱՄՆ նախագահի դեսպանորդ Սթիվեն Ուիթքոֆի հետ։
«Ես հաջորդ շաբաթ կմեկնեմ Միացյալ Նահանգներ՝ հանդիպումներ ունենալու ԱՄՆ նախագահ Դոնալդ Թրամփի, փոխնախագահ Վենսի, պետքարտուղար Ռուբիոյի, պաշտպանության նախարար Հեգսեթի, ինչպես նաև Սթիվ Ուիթքոֆի և առևտրի նախարար Հովարդ Լուտնիկի հետ», - ասել է Նեթանյահուն։ Վարչապետի կաբինետի նիստի ժամանակ արված ելույթը հրապարակվել է նրա գրասենյակի կողմից։
«Այս ամենը տեղի է ունենում «Առյուծի վերելք» գործողության ժամանակ Իրանի դեմ մեր տարած մեծ հաղթանակի ալիքի վրա», - հավելել է Իսրայելի կաբինետի ղեկավարը։
