Իտալիայի իշխանությունները քննարկում են Մեսինայի նեղուցով դեպի Սիցիլիա տանող կամրջի կառուցումը պաշտպանական նախագիծ դասակարգելու հնարավորությունը, որպեսզի այն ներառվի ՆԱՏՕ-ի անհրաժեշտ ծախսերի մեջ, հաղորդում է Politico-ն։
Նշվում է, որ Մեսինայի նեղուցի վրայով կառուցվող կախովի կամուրջը աշխարհի ամենավիճահարույց ենթակառուցվածքային նախագծերից մեկն է։ Դրա արժեքը գնահատվում է 13,5 միլիարդ եվրո։ Տարբեր ժամանակներում Դուչե Բենիտո Մուսոլինին և նախկին վարչապետ Սիլվիո Բեռլուսկոնին փորձել են վերակենդանացնել նեղուցի վրայով դեպի Սիցիլիա տանող կամուրջը։
Իտալիայի կառավարությունում Politico-ի աղբյուրը նշում է, որ կամուրջը պաշտպանական կառույց դասակարգելու վերաբերյալ պաշտոնական որոշում դեռևս չի կայացվել։
ՆԱՏՕ-ի անդամ երկրները, Հաագայի գագաթնաժողովից հետո, նախկինում հայտարարել էին պաշտպանական ծախսերը ՀՆԱ-ի 5%-ին հասցնելու ծրագրերի մասին:
Փաստաթղթի համաձայն, եվրոպական երկրների հիմնական նպատակներից մեկը առաջիկա հինգ տարիների ընթացքում կլինի պաշտպանության ամրապնդումը, ինչպես նաև անվտանգության խնդիրները ինքնուրույն լուծելու կարողության հասնելը:
