Թուրքիան ողջունում է Իսրայելի և Իրանի միջև հրադադարի մասին համաձայնագրի լուրը և կոչ է անում պահպանել այն առաջիկա կարևոր ժամանակահատվածում, ասվում է Թուրքիայի արտաքին գործերի նախարարության հայտարարության մեջ։
«Մենք ողջունում ենք Իսրայելի և Իրանի միջև հրադադարի համաձայնագրի կնքման մասին հաղորդագրությունները: Մենք ուշադիր հետևում ենք հրադադարի խախտումների մասին հաղորդագրություններին և կոչ ենք անում բոլոր կողմերին լիովին պահպանել հրադադարը առաջիկա կարևոր ժամանակահատվածում», - ասվում է տեքստում:
«Այն ժամանակ, երբ Մերձավոր Արևելքը խաղաղության և կայունության կարիք ունի ավելի քան երբևէ, անհրաժեշտ է վճռական քայլեր ձեռնարկել համապարփակ և երկարատև լուծման հասնելու համար։ Այս շրջանակներում մենք կենսականորեն կարևոր ենք համարում երկխոսության և դիվանագիտության ուղիները բաց պահելը», - հայտարարել է Թուրքիայի արտաքին գործերի նախարարությունը։
