Եթե ժողովուրդը միասնական լինի կառավարության հետ, ոչ մի խնդիր չի սպառնա Իրանին։
Ինչպես հաղորդում է SNN-ը, այս մասին հայտարարել է Իսլամական Հանրապետության նախագահ Մասուդ Պեզեշկիանը կառավարության նիստում։
Նրա խոսքով՝ Թեհրանը կհաղթահարի ցանկացած ճգնաժամ՝ շնորհիվ ազգային համերաշխության և միասնության։
«Կարևոր է պահպանել ազգային համերաշխությունը և ժողովրդի մասնակցությունը ստեղծված իրավիճակում։ Եթե ժողովուրդը մեզ հետ է, ոչ մի խնդիր չի սպառնա երկրին։ Կարևոր է, որ բոլոր միջոցառումները ուղղված լինեն ազգային համերաշխության պահպանմանը», - ասել է նա։
