ԱՄՆ-ն դեռևս որոշում չի կայացրել Իրանի դեմ ռազմական գործողություններին մասնակցելու վերաբերյալ, հաղորդում է Wall Street Journal-ը՝ հղում անելով Սպիտակ տան պաշտոնյաներին։
ԱՄՆ նախագահ Դոնալդ Թրամփը երեքշաբթի օրը հայտարարեց , որ պահանջում է Իրանի «անվերապահ հանձնումը»։ Նա հավելեց, որ Միացյալ Նահանգները գիտի Իրանի գերագույն առաջնորդ այաթոլլահ Ալի Խամենեիի գտնվելու վայրը , բայց չունի նրան «վերացնելու» անմիջական ծրագրեր։ Նա նաև ասաց, որ չի ցանկանում օգտագործել ամերիկյան բանակը ճգնաժամը լուծելու համար, բայց հավելեց, որ ԱՄՆ-ի համբերությունը «սպառվում է»։
