Կյանքից հեռացել է ֆրանսահայ հայտնի կոմպոզիտոր Կարպիս Ապրիկյանը

18.10.2024 13:09 | Կատեգորիա Գիտություն և մշակույթ

Ֆրանսիայում ՀՀ դեսպանությունը խորը ցավով տեղեկացավ ֆրանսահայ հայտնի կոմպոզիտոր, երաժշտագետ, «Սիփան-Կոմիտաս» երգչախմբի հիմնադիր և երկարամյա ղեկավար Կարպիս Ապրիկյանի մահվան մասին։ Այս մասին հայտնում են Ֆրանսիայում ՀՀ դեսպանությունից։

Անգնահատելի է մեծանուն կոմպոզիտորի դերը Ֆրանսիայում և նրա սահմաններից դուրս հայկական մշակույթի տարածման գործում։ Իր հիմնադրած «Սիփան-Կոմիտաս» երգչախմբի հետ Կարպիս Ապրիկյանն ավելի քան 50 տարի աշխարհի տարբեր երկրներում ներկայացրել է հայկական երգն ու երաժշտությունը։ Առանձնահատուկ հիշատակության արժանի է նրա կողմից ամբողջականացված «Սասունցի Դավիթի ծնունդը» օրատորիան՝ Բարսեղ Կանաչյանի էսքիզների հիման վրա։

Մեր անկեղծ ցավակցություններ ենք հայտնում Կարպիս Ապրիկյանի ընտանիքին, նրա հարազատներին և բազմաթիվ սաներին։ Կարպիս Ապրիկյանի ոգին ու ինքնատիպ արվեստը շարունակելու են ապրել նրա ստեղծագործություններում։

Ծանոթություն․ Կարպիս Ապրիկյանը ծնվել է 1926թ․, Եգիպտոսի Ալեքսանդրիա քաղաքում։ 1948թ․ այնտեղ հիմնել է «Համազգային» երգչախումբը, որի հետ Եգիպտոսում հանդես է եկել բազմաթիվ համերգներով։ 1953թ․ տեղափոխվել է Փարիզ, իսկ կարճ ժամանակ անց հիմնել և սկսել է ղեկավարել «Սիփան-Կոմիտաս» երգչախումբը՝ մեծ հաջողությամբ հանդես գալով միջազգային բազմաթիվ հեղինակավոր բեմերում։

Հայկական երաշտության տարածման գործում ունեցած մեծ ավանդի, հայկական մշակույթի, արվեստի և կրթության բնագավառներում բացառիկ նվաճումների համար Կարպիս Ապրիկյանը 2009թ․ արժանացել է Հայաստանի պետական պարգևի՝ «Մովսես Խորենացի» մեդալի, իսկ 2021թ․՝ Ֆրանսիայի Մշակույթի նախարարության կողմից նրան շնորհվել է «Արվեստի և գրականության կոմանդորի» («Commandeur de l’Ordre des Arts et des Lettres») պետական շքանշան։ 2024թ․ սեպտեմբերի 29-ին Կարպիս Ապրիկյանը Փարիզի քաղաքապետ Անն Հիդալգոյի կողմից պարգևատրվել է նաև Փարիզ քաղաքի բարձրագույն պարգևով՝ Փարիզի Մեծ մեդալով (Médaille Grand Vermeil de Paris)։

Ամենաշատ կարդացվածներ

Michelin-ի գաղտնի տեսուչները Հայաստանում․ ո՞վ կարող է արժանանալ առաջին աստղին

10.10.2026 15:03 | Կատեգորիա Հասարակություն

Երկրի վրա մագնիսական փոթորիկ է սկսվել

10.10.2026 23:10 | Կատեգորիա Ժամանց

ՊՆ զորամասում զինծառայողի դի է հայտնաբերվել՝ հրազենային վնասվածքով

10.10.2026 13:53 | Կատեգորիա Հասարակություն

Ֆրանսիան հետաքննում է Thales-ի հնարավոր կոռուպցիոն գործարքները Ադրբեջանում

10.10.2026 22:16 | Կատեգորիա Համաշխարհային

800-900 մլն դրամ է հատկացվել Երևանի տոնի միջոցառումներին․ նոր փոփոխություններ են սպասվում Երևանում

10.10.2026 21:44 | Կատեգորիա Մամուլ

Սահակաշվիլին 2008 թվականի պատերազմը անվանել է Ռուսաստանի «աղետալի պարտություն»

11.10.2026 00:44 | Կատեգորիա Համաշխարհային

Զելենսկին Պուտինին պայման է առաջադրել՝ Ուկրաինայում ընտրություններ անցկացնելու համար

11.10.2026 20:26 | Կատեգորիա Համաշխարհային

Երկրաշարժից հետո Պանամայում գրանցվել է գրեթե 25 հետցնցում

10.10.2026 20:46 | Կատեգորիա Մամուլ

Մասկը աջակցել է Ուկրաինայում նոր առաջնորդ ընտրելու Թրամփի կոչին․ «Զելենսկին չափն անցել է»

11.10.2026 13:50 | Կատեգորիա Համաշխարհային

ՈՒՂԻՂ