«Ռոսատոմը» պատրաստ է կարգավորել իրանական միջուկային հարցի կարգավորման հետ կապված ցանկացած տեխնիկական հարց։ Այս մասին լրագրողներին հայտարարել է պետական կորպորացիայի ղեկավար Ալեքսեյ Լիխաչովը։
«Մենք հաստատում ենք մեր պատրաստակամությունը լուծելու ցանկացած տեխնիկական հարց, եթե քաղաքական որոշումներ կայացվեն և բազմակողմ ձևաչափով համաձայնություններ ձեռք բերվեն այսպես կոչված իրանական խնդրի վերաբերյալ։ Իրանի հետ միջուկային ոլորտում մեր համագործակցությունը զարգանում է», - ասել է նա։
Լիխաչովը նշել է, որ Իրանի հետ միջուկային ոլորտում համագործակցությունը զարգանում է միջուկային էներգաբլոկների կառուցման և Բուշերի ատոմակայանի առաջին գործող բլոկին վառելիք մատակարարելու առումով։ «Ռոսատոմը» նաև գիտահետազոտական ոլորտներում համագործակցում է Իրանի հետ՝ խաղաղ ատոմային էներգիայի ոլորտում։
