Թուրքիայի Կոնյա նահանգում մայրուղում ավտոբուս է շրջվել, որի հետևանքով մեկ մարդ զոհվել է, 26-ը՝ վիրավորվել, հայտնել են նահանգային իշխանությունները։
«Հունիսի 6-ին, մոտավորապես ժամը 05:00-ին վարորդը կորցրել է ուղևորատար ավտոբուսի կառավարումը Ադանա-Կոնյա մայրուղու Էրեգլի գյուղի մոտակայքում, ավտոբուսը շրջվել է: Նախնական գնահատականներով՝ մեկ մարդ զոհվել է, ևս 26-ը՝ վիրավորվել», - հայտնել են իշխանությունները մամուլի հաղորդագրության մեջ: Ուղևորների թվում օտարերկրացիներ չեն եղել:
Վիրավորները հոսպիտալացվել են մոտակա հիվանդանոցներում, սկսվել է հետաքննություն։ DHA գործակալությունը պարզաբանել է, որ վիրավորներից տասը գտնվում են ծանր վիճակում։
