Ռուսաստանի արտաքին գործերի նախարար Սերգեյ Լավրովը հունիսի 6-ին Աբխազիայի արտաքին գործերի նախարար Օլեգ Բարցիցի հետ կքննարկի անվտանգության ոլորտում համագործակցության և համատեղ սոցիալ-տնտեսական նախագծերի իրականացման հարցեր, հայտարարել է Ռուսաստանի արտաքին գործերի նախարարության պաշտոնական ներկայացուցիչ Մարիա Զախարովան։
«Հունիսի 6-ին Մոսկվայում կկայանա հանդիպում Ռուսաստանի արտաքին գործերի նախարարության ղեկավարի և Աբխազիայի Հանրապետության արտաքին գործերի նախարարի միջև, ով այս տարվա ապրիլին այս պաշտոնում նշանակվելուց հետո իր առաջին աշխատանքային այցով կայցելի Ռուսաստան։
Նախարարները կքննարկեն երկկողմ հարաբերությունների արդիական հարցերի լայն շրջանակ, որոնք կրում են դաշնակցային բնույթ։
«Կքննարկվի տարածաշրջանային և միջազգային օրակարգը՝ շեշտը դնելով անվտանգության ոլորտում համագործակցության և համատեղ սոցիալ-տնտեսական նախագծերի իրականացման, ինչպես նաև Աբխազիայի Հանրապետության արտաքին քաղաքական դիրքերի ամրապնդման վրա», - ասել է Զախարովան ճեպազրույցի ժամանակ։
