Ռուսաստանի և Ուկրաինայի միջև բանակցությունների երրորդ փուլը, ամենայն հավանականությամբ, տեղի կունենա Ստամբուլում հունիսի վերջին։ Այս մասին «Ռոսիա 24»-ին տված հարցազրույցում հայտարարել է Պետդումայի միջազգային հարցերով հանձնաժողովի ղեկավար, ԼԴԿ առաջնորդ Լեոնիդ Սլուցկին։
«Դա, ամենայն հավանականությամբ, տեղի կունենա այնտեղ՝ Ստամբուլում, ամսվա վերջին», - ասել է նա։
Սլուցկին նշե է, որ նոր փուլի հիմնական հարցերից մեկը կլինի «կայուն հրադադարի ուղղությամբ շարժումը»։
Հունիսի 2-ին ՌԻԱ Նովոստին հայտնեց, որ Ռուսաստանի և Ուկրաինայի միջև բանակցությունների երրորդ փուլի վայրը, ամենայն հավանականությամբ, կրկին կլինի Ստամբուլը։
Ուկրաինական պատվիրակության ղեկավար Ռուստեմ Ումերովը հայտնել է, որ Ուկրաինան առաջարկել է հունիսի 20-30-ը Ռուսաստանի պատվիրակության հետ նոր հանդիպում անցկացնել։
