Թեհրանը պատրաստվում է մերժել Իրանի միջուկային ծրագրի վերաբերյալ ԱՄՆ առաջարկը, հաղորդում է Reuters-ը՝ հղում անելով իրանցի բարձրաստիճան դիվանագետի։
Ավելի վաղ Օմանը Իրանին էր ներկայացրել միջուկային համաձայնագրի վերաբերյալ ԱՄՆ առաջարկի մանրամասները, ինչպես հայտարարել էր Իրանի արտաքին գործերի նախարար Աբբաս Արաղչին։ Սպիտակ տունը հայտարարել է, որ Թեհրանը պետք է ընդունի նրան։ Երկուշաբթի օրը ISNA լրատվական գործակալությունը հաղորդել է, որ Իրանի միջուկային ծրագրի վերաբերյալ ԱՄՆ գրավոր առաջարկը շատ հեռու է Իրանի հետ գործարքի համար ընդունելի պայմաններից։
«Իրանը պատրաստում է բացասական պատասխան ԱՄՆ առաջարկին, որը կարող է մեկնաբանվել որպես ամերիկյան առաջարկի մերժում», - աղբյուրի խոսքերն է մեջբերում Reuters-ը։
Գործակալության աղբյուրի խոսքով՝ այս առաջարկության մեջ «Իրանի տարածքում ուրանի հարստացման վերաբերյալ ԱՄՆ դիրքորոշումը մնում է անփոփոխ», և այն չի պարունակում «պատժամիջոցների վերացման վերաբերյալ հստակ բացատրություն»։
