Իսրայելի ռազմաօդային ուժերը ուրբաթ գիշեր նոր հարված են հասցրել Լիբանանի արևելքում գտնվող Բեքաա հովտին: Այս մասին հայտնել է Իսրայելի պաշտպանության բանակի մամուլի ծառայությունը։
Թիրախը եղել է ռազմական ենթակառուցվածքային օբյեկտ, որի տարածքում, ըստ բանակի, զենք է եղել։ Մամուլի ծառայությունը պարզաբանել է, որ Իսրայելը նախկինում հարձակվել է այս օբյեկտի վրա, սակայն վերջերս զինվորականները հայտնաբերել են շիական
«Հեզբոլլահ» կազմակերպության զինված ստորաբաժանումների կողմից այն վերականգնելու փորձերը։
«Իսրայելական բանակը կշարունակի միջոցներ ձեռնարկել Իսրայելի պետությանը սպառնացող ցանկացած սպառնալիքի վերացման համար և կկանխի իր ահաբեկչական ներուժը վերականգնելու Հեզբոլլահի ցանկացած փորձ», - զգուշացրել են զինվորականները:
