ՌԴ ՄԻԴ հատուկ հանձնարարություններով դեսպան Ռոդիոն Միրոշնիկը մեղադրել է Կիևին՝ ռուս-ուկրաինական բանակցություններին խանգարելու և «անհանդուրժելի մթնոլորտ» ստեղծելու մեջ։ Նրա խոսքով, Ռուսաստանը պատրաստ է շարունակել բանակցությունները, սակայն Ուկրաինան միայն «խաղաղասիրական» խոսքերով է հանդես գալիս, իսկ իրականում ավելացնում է ռազմական գործողությունները ռուսական տարածքի վրա։
Միրոշնիկն հիշեցրել է, որ բանակցությունների նախաձեռնողը ՌԴ նախագահ Վլադիմիր Պուտինն է, ով արդեն իսկ պայմանավորվել է անցկացնել հաջորդ փուլը Ստամբուլում՝ հունիսի 2-ին։ Այնուամենայնիվ, Ուկրաինան դեռ պատասխան չի տվել Ռուսաստանի առաջարկին։
Ավելի վաղ Ուկրաինայի նախագահ Վլադիմիր Զելենսկին ասել էր, թե իբր Կիևը պատրաստ է բանակցություններին, սակայն Ռուսաստանը չի ցանկանում խաղաղություն։ Ռուսաստանը պնդում է, որ իրականում հենց Ուկրաինան է խոչընդոտում գործընթացը՝ շարունակելով ռազմական սադրանքները ռուսական սահմանների մոտ, հայտնում է Газета.ру-ն ։
