Ռուսաստանը իր հուշագիրը կհանձնի Ուկրաինային հունիսի 2-ին Ստամբուլում կայանալիք բանակցությունների ժամանակ, հայտարարել է արտգործնախարար Սերգեյ Լավրովը։
«Ռուսական կողմը, ինչպես պայմանավորված էր, անհապաղ մշակեց համապատասխան հուշագիր, որը ներկայացնում է մեր դիրքորոշումը ճգնաժամի արմատական պատճառների հուսալի հաղթահարման բոլոր ասպեկտների վերաբերյալ… Վլադիմիր Մեդինսկու գլխավորությամբ մեր պատվիրակությունը պատրաստ է ներկայացնել այս հուշագիրը ուկրաինական պատվիրակությանը և տրամադրել անհրաժեշտ բացատրությունները», - ասվում է Լավրովի հայտարարության մեջ, որը տեղադրվել է Արտաքին գործերի նախարարության կայքում։
