Եվրամիությունն ուսումնասիրում է Ռուսաստանի դեմ նոր պատժամիջոցների շրջանակներում SWIFT համակարգից ավելի քան 20 բանկի անջատման հնարավորությունը, հաղորդում է Bloomberg-ը՝ հղում անելով իր աղբյուրներին։
«Եվրամիությունը ուսումնասիրում է SWIFT միջազգային վճարային համակարգից ավելի քան 20 բանկի անջատման, ինչպես նաև ռուսական նավթի գնի իջեցման և «Հյուսիսային հոսք» գազատարների արգելման հնարավորությունը նոր պատժամիջոցների փաթեթի շրջանակներում», - նշվում է հոդվածում։
Ինչպես նշված է, Եվրահանձնաժողովը նախատեսում է առաջարկել G7 երկրների համար նավթի գնի առաստաղը նվազեցնել մինչև մոտավորապես 45 դոլար։
Գործակալության աղբյուրների փոխանցմամբ՝ նոր փաթեթի շրջանակներում ԵՄ-ն նաև ուսումնասիրում է մոտ երկու տասնյակ բանկերի համար լրացուցիչ գործարքների արգելքներ և մոտ 2.5 միլիարդ եվրոյի նոր առևտրային սահմանափակումներ մտցնելու հնարավորությունը։
