Իսրայելի ռազմաօդային ուժերը մեկ օրում հարվածներ են հասցրել Գազայի հատվածում գտնվող 115 արմատական ռազմական օբյեկտների։ Այս մասին հայտնում է բանակի մամուլի ծառայությունը։
«Թիրախները ներառում էին արձակման հարթակներ, ռազմական կայանքներ, թունելներ, ահաբեկչական ստորաբաժանումներ», - ասվում է հայտարարության մեջ: Մամուլի ծառայությունը հավելել է, որ «միաժամանակ Իսրայելի ռազմածովային ուժերը, ցամաքային զորքերի հետ համագործակցելով, հարվածներ են հասցրել Գազայի հյուսիսում գտնվող ահաբեկիչների օբյեկտներին»։
Զինվորականները նշել են, որ զորքերը «շարունակում են օպերատիվ գործունեությունը Գազայի հատվածում ահաբեկչական կազմակերպությունների դեմ՝ ոչնչացնելով ահաբեկչական օբյեկտները և ահաբեկիչներին «Գեդեոնի մարտակառքեր» գործողության շրջանակներում»։
