Հավաքական անվտանգության պայմանագրի կազմակերպությունը (ՀԱՊԿ) Թալիբան շարժումը համարում է երկարաժամկետ քաղաքական գործոն Աֆղանստանում, և նրա հետ անհրաժեշտ է ակտիվացնել շփումները՝ տարածաշրջանում կայունությունը պահպանելու համար։ Այս մասին Բիշքեկում ՀԱՊԿ Խորհրդարանական վեհաժողովի (ԽՎ) խորհրդի նիստում հայտարարել է ՀԱՊԿ գլխավոր քարտուղար Իմանգալի Տասմագամբետովը։
«Թալիբանի ռեժիմն ապացուցում է, որ երկարաժամկետ քաղաքական գործոն է: ՀԱՊԿ անդամ մի շարք երկրներ, ինչպիսիք են Բելառուսը, Ղազախստանը, Ղրղզստանը և Ռուսաստանը, ակտիվացրել են երկկողմ շփումները Աֆղանստանի իշխանությունների հետ՝ այդ երկրում սոցիալական կայունությունը խթանելու և անվտանգությունը պահպանելու համար», -ասել է նա:
Գլխավոր քարտուղարի խոսքով՝ ՀԱՊԿ քարտուղարությունը կարևոր է համարում շարունակել վերահսկել իրավիճակը Աֆղանստանում և մեծացնել ջանքերի համակարգումը երկրից բխող սպառնալիքներին հակազդելու համար։
Ղրղզստանի մայրաքաղաք Բիշքեկում տեղի է ունենում ՀԱՊԿ ԽՎ խորհրդի նիստը, որը կնախագահի կազմակերպությունը 2025 թվականին, խորհուրդը նախագահում է Պետդումայի նախագահ Վյաչեսլավ Վոլոդինը, ով նաև ղեկավարում է ՀԱՊԿ ԽՎ-ն։
