ՌԴ նախագահ Վլադիմիր Պուտինի և Վլադիմիր Զելենսկիի հանդիպումը հնարավոր է, եթե երկու երկրների պատվիրակությունների միջև որոշակի պայմանավորվածություններ ձեռք բերվեն, հայտարարել է ՌԴ նախագահի մամուլի քարտուղար Դմիտրի Պեսկովը։
«Բազմաթիվ հարցեր են ստացվել երկու երկրների՝ Ուկրաինայի և Ռուսաստանի նախագահների՝ Զելենսկիի և Պուտինի հնարավոր հանդիպման թեմայի շուրջ։ Նման հանդիպում երկու կողմերի պատվիրակությունների աշխատանքի արդյունքում՝ այս պատվիրակությունների միջև որոշակի պայմանավորվածությունների ձեռքբերմամբ, հնարավոր է։
Մենք դա հնարավոր ենք համարում։ Բայց հենց աշխատանքի արդյունքում և երկու կողմերի միջև պայմանավորվածությունների տեսքով որոշակի արդյունքների հասնելու դեպքում»,- ասել է Պեսկովը։
Ռուսաստանի նախագահ Վլադիմիր Պուտինը ավելի վաղ առաջարկել էր Ուկրաինային վերսկսել ուղիղ բանակցություններն առանց նախապայմանների Ստամբուլում մայիսի 15-ին։
