Վլադիմիր Զելենսկիի գրասենյակի ղեկավար Անդրեյ Երմակը, Ուկրաինայի արտգործնախարար Անդրեյ Սիբիգան և պաշտպանության նախարար Ռուստեմ Ումերովը գտնվում են Ստամբուլում, որտեղ արդեն հանդիպել են Ուկրաինայում ԱՄՆ նախագահի հատուկ
բանագնաց Քիթ Քելլոգի և եվրոպացի ներկայացուցիչների հետ։
Ինչպես հաղորդում է «Public.News» հրատարակությունը՝ հղում անելով ուկրաինական պատվիրակության աղբյուրներին, Երմակը, Սիբիգան և Ումերովը հանդիպել են Քելլոգի և Գերմանիայի, Մեծ Բրիտանիայի և Ֆրանսիայի ազգային անվտանգության խորհրդականների հետ։
Մայիսի 11-ին ՌԴ նախագահ Վլադիմիր Պուտինը հայտարարել էր, որ Մոսկվան առաջարկում է Ուկրաինայի իշխանություններին վերսկսել ուղիղ բանակցությունները, որոնք նրանք ընդհատել են 2022 թվականին, առանց նախապայմանների մայիսի 15-ին Ստամբուլում՝ հակամարտության բուն պատճառները լուծելու և, հնարավոր է, հրադադարի հասնելու համար։ Ռուսական պատվիրակությունը մայիսի 15-ի առավոտյան պատրաստ էր երկխոսության, սակայն ուկրաինական պատվիրակությունը չէր ներկայացել հանդիպմանը։
