Ավարտվել է քրեական հեղինակություն հանդիսացող անձի կողմից խուլիգանություն դեպքի նախաքննությունը․ ՔԿ

16.10 17:24 | Կատեգորիա Հասարակություն

ՀՀ քննչական կոմիտեի Երևան քաղաքի քննչական վարչության Կենտրոն և Նորք Մարաշ վարչական շրջանների քննչական երկրորդ բաժնում իրականացված բազմակողմանի քննությամբ պարզվել և հիմնավորվել է, որ քրեական հեղինակություն հանդիսացող անձը 2024թ․ ապրիլի 20-ին՝ ժամը 01:45-ի սահմաններում, քննությամբ ինքնությունները չպարզված երեք անձանց հետ այցելել է Երևան քաղաքի Վարդանանց փողոցում գործող ակումբ, որտեղ չնչին առիթով վիճաբանել է քննությամբ ինքնությունները չպարզված անձանց հետ։

Վիճաբանությունը շարունակվել է ակումբի դիմացի հատվածում, որի ընթացքում խուլիգանություն կատարելու ուղղակի դիտավորությամբ՝ սեփական անձի կարծեցյալ առավելությունը ներկաների մոտ ընդգծելու մղումով, համակեցության կանոնների ցուցադրաբար անտեսմամբ, քրեական հեղինակություն հանդիսացող անձը կոպիտ կերպով խախտել է հասարակական կարգը՝ հասարակության նկատմամբ անհարգալից, իրավական ու բարոյական նորմերի նկատմամբ բացահայտ արհամարհական վերաբերմունք ցուցաբերելով, ակումբի դիմաց՝ բնակելի շենքերի տարածքում, տևական ժամանակ աղմկել, բարձրաձայն հայհոյանքներ է հնչեցրել և վիճաբանել քննությամբ ինքնությունները դեռևս չպարզված հիշյալ անձանց հետ՝ չենթարկվելով նշված ակումբի անվտանգությունն ապահովող աշխատակիցների, ինչպես նաև այլ անձանց՝ վիճաբանությունը դադարեցնելու հորդորներին: Նշված հանցավոր արարքի հետևանքով խաչընդոտվել է ակումբի բնականոն աշխատանքը, տարածքում գտնվող անձանց մոտ վախի ու անհանգստության մթնոլորտ է առաջացել:

Նկարագրված խուլիգանական գործողությունների ընթացքում քրեական հեղինակություն հանդիսացող անձը ձեռքերով դիտավորությամբ հարվածներ է հասցրել մեկ այլ անձի:

Ձեռք բերված բավարար փաստերի հիման վրա քրեական հեղինակություն հանդիսացող անձին մեղադրանք է ներկայացվել՝ ՀՀ քրեական օրենսգրքի 297-րդ հոդվածի 2-րդ մասի 1-ին կետով և 195-րդ հոդվածի 1-ին մասով:

Վերջինիս մասով նախաքննությունն ավարտվել է, քրեական վարույթի նյութերը, մեղադրական եզրակացությամբ, ուղարկվել են հսկող դատախազին՝ հաստատելու և դատարան ուղարկելու համար։

Ծանուցում. Հանցանքի համար մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգովդատարանի` օրինական ուժի մեջ մտած դատավճռով։

Ամենաշատ կարդացվածներ

«Եվրատեսիլ 2024»-ի հաղթողը հրաժարվել է գավաթից՝ Իսրայելի մասնակցության պատճառով

12.12 00:29 | Կատեգորիա Գիտություն և մշակույթ

Ոչ մի շարքային ադրբեջանցի ՀՀ չի գալու, գալու են հատուկ պատրաստված խմբեր. ադրբեջանագետ

12.12 15:56 | Կատեգորիա Քաղաքական

Աշգաբադում միայն Հայաստանի եւ Վրաստանի ներկայացուցիչները չէին խոսում ռուսերեն. Ուշակով

12.12 18:08 | Կատեգորիա Քաղաքական

Թրամփը Օվալաձև աշխատասենյակն անվանել է աշխարհի ամենակարևոր գրասենյակը

13.12 12:18 | Կատեգորիա Համաշխարհային

Կտրիճ Ներսիսյանը դրժել է իր իսկ ընդունած կանոնադրությունը․ Փաշինյան

13.12 11:27 | Կատեգորիա Քաղաքական

2035 թվականին Եվրոպայում կարող են բախումներ լինել մարդկանց և ռոբոտների միջև․ Europol

13.12 00:45 | Կատեգորիա Գիտություն և մշակույթ

Կուբայի ԱԳՆ. ԱՄՆ-ը խոչընդոտում է Վենեսուելայի նավթի առևտրին

13.12 10:34 | Կատեգորիա Համաշխարհային

Զինծառայողն իրեն ամրակցված զենքով կրակոց է արձակել գլխի շրջանում, ինչի հետևանքով մահացել է. ՔԿ

13.12 12:36 | Կատեգորիա Հասարակություն

Օդեսայի մեծ մասը մնացել է առանց ջեռուցման և ջրի

13.12 12:07 | Կատեգորիա Համաշխարհային

ՈՒՂԻՂ