Քանի դեռ Պաղեստինի խնդիրը չի լուծվել, Մերձավոր Արևելքի տարածաշրջանում կայունություն չի լինի։ Այս մասին Բաղդադում հայտարարել է Եգիպտոսի արտգործնախարար Բադր Աբդել Աթին։
Իրաքի մայրաքաղաքում նա մասնակցել է Եգիպտոսի, Իրաքի և Հորդանանի ԱԳ նախարարների հանդիպմանը, որը կազմակերպվել էր Արաբական պետությունների լիգայի (ԱՊԼ) 34-րդ գագաթնաժողովի նախապատրաստման շրջանակներում, որը տեղի կունենա մայիսի 17-ին Բաղդադում, հաղորդում է Իրաքի լրատվական գործակալությունը։
«Առանց պաղեստինյան խնդրի լուծման՝ տարածաշրջանում կայունություն չի լինի»,- ընդգծել է Եգիպտոսի ԱԳՆ ղեկավարը։Նա «միջազգային հանրության համար խայտառակություն» է անվանել այն, որ «գրեթե 70 օր է Գազայի հատված ոչ մի օգնություն չի հասել»։Աթին հաստատել է նաև, որ Կահիրեն մերժում է Գազայի բնակիչներին տեղափոխելու առաջարկը։
