Կանադայի վարչապետ Մարկ Քարնին մայիսի 18-ին Վատիկանի Սուրբ Պետրոսի հրապարակում կմասնակցի Հռոմի պապ Լեո 14-րդի գահակալության արարողությանը, այս մասին ասված է Կանադայի կառավարության ղեկավարի մամուլի ծառայության հայտարարության մեջ։Նշվում է, որ Քարնին Հռոմում կլինի մայիսի 16-18-ը։
Իտալիա կատարած այցի ընթացքում վարչապետը մտադիր է նաև հանդիպումներ ունենալ օտարերկրյա առաջնորդների հետ, ովքեր կմասնակցեն գահակալության պատարագին։
Ինչպես ավելի վաղ հայտնել էր Պապական տան պրեֆեկտուրան, մայիսի 18-ին տեղի կունենա Հռոմի պապ Լեո XIV-ի գահակալության արարողությունը։Կարդինալ Ռոբերտ Ֆրենսիս Պրեվոստը մայիսի 8-ին Կարդինալների քոլեջի կողմից ընտրվել է Հռոմի նոր Պապ։
Այդպիսով նա հաջորդեց Հռոմի Ֆրանցիսկոս պապին, ով մահացավ ապրիլի վերջին։
