Սինգապուրում իշխող Ժողովրդական Գործողության Կուսակցությունը (PAP) առաջին արդյունքներով ապահովում է իր 14-րդ անընդմեջ հաղթանակը։ Ընտրական հանձնաժողովի հրապարակած նախնական արդյունքներով՝ PAP-ն հաղթել է 15-ից 14 ընտրատարածքում, հայտնում է Reuters-ը։
Սա նոր վարչապետ Լոուրենս Վոնի համար առաջին փորձությունն էր որպես երկրի ղեկավար։ Չնայած ընդդիմադիր Աշխատավորների կուսակցությունը փորձել է ամրապնդել դիրքերը՝ նախորդ ընտրություններում նվաճած ռեկորդային 10 մանդատից հետո, PAP-ն, ըստ ամենայնի, կրկին պահպանում է խորհրդարանական ճնշող մեծամասնությունը։
Ընտրություններում կարևոր հարցեր էին՝ բարձր ապրանքային գներն ու բնակարանների մատչելիությունը Սինգապուրում՝ աշխարհի ամենաթանկ քաղաքներից մեկում։ 2020-ին PAP-ի ստացած ձայների մասնաբաժինը կազմել էր ընդամենը 60.1%՝ վերջին տասնամյակների ամենացածրը։ Վոնը ձգտում էր վերականգնել վստահությունը։Վերջնական արդյունքները սպասվում են կիրակի վաղ առավոտյան։
