Մասիսի քաղաքապետ Դավիթ Համբարձումյանը շնորհավորել է Մամուլի ազատության օրը.
«Զանգվածային լրատվամիջոցների հարգելի՛ ներկայացուցիչներ, Շնորհավորում եմ մասնագիտական տոնի՝ Մամուլի ազատության համաշխարհային օրվա առթիվ:
Միավորված ազգերի կազմակերպությունը 1993թ. մայիսի 3-ը սահմանեց Մամուլի ազատության համաշխարհային օր: Այս տարեթիվն ընտրվել է` նշանավորելու 1991թ. մայիսի 3-ին Վինդհուքում (Նամիբիա) ՅՈւՆԵՍԿՕ-ի և ՄԱԿ-ի կողմից կազմակերպված աֆրիկյան մամուլի անկախության ու բազմակարծության աջակցման հռչակագիրը:
Ժողովրդավար համարվող յուրաքանչյուր պետության, երկրի հիմնասյուներից է ազատ ու անաչառ խոսքը, ազատ լրատվական գործունեությունը, և երկրի զարգացվածության մակարդակը մեծապես պայմանավորված է նաև մամուլի և խոսքի ազատության առկայությամբ:
Հարգելի՛ լրագրողներ, Բարդ ու դժվարին այս ժամանակահատվածում, երբ բախվում եք տարբեր արգելքների ու մարտահրավերների, երբ ոտնահարվում են ձեր մասնագիտական իրավունքները, դուք շարունակում եք հավատարմորեն կատարել ձեր առաքելությունը՝ հանրությանը փոխանցելով հավաստի տեղեկատվություն:
Դուք եք շատ հաճախ հանրային կարծիք ձևավորողը, նաև՝ մարդկանց ուղղորդողը:
Մաղթում եմ ձեզ արդյունավետ աշխատանք, սկզբունքայնություն և ազատություն ձեր գործունեության մեջ»:
