Օմանի պատվիրակությունը կմասնակցի «Ռուսաստան - Իսլամական աշխարհ. ԿազանՖորում» միջազգային տնտեսական համաժողովին, որը կանցկացվի մայիսի 13-18-ը Կազանում։ Այս մասին հայտնել է Թաթարստանի ղեկավար Ռուստամ Միննիխանովի մամուլի ծառայությունը՝ Օմանի արտաքին գործերի նախարարի հետ հանդիպման արդյունքներով։
«Ռուստամ Միննիխանովը հանդիպում է ունեցել Օմանի արտաքին գործերի նախարարի հետ: Բացի այդ, մշտական համագործակցությունը զարգացնելու նպատակով, կողմերը պայմանավորվել են աշխատել Կազանում Օմանի սուլթանի պատվավոր հյուպատոս նշանակելու, ինչպես նաև Օմանի մայրաքաղաք Մուսկատում Թաթարստանի Հանրապետության առևտրատնտեսական գրասենյակ բացելու հարցով։
Նախատեսվում է բիզնես առաքելությունների փոխանակում, պայմանագրերի կնքում և համատեղ ծրագրերի իրականացում։ 2025 թվականի ապրիլին ՌԴ փոխվարչապետ Մարատ Խուսնուլինը հայտնել է, որ վերջին չորս տարիների ընթացքում Ռուսաստանի և Իսլամական համագործակցության կազմակերպության (ԻՀԿ) երկրների միջև ապրանքաշրջանառությունը 44 տոկոսով ավելացել է՝ հասնելով 163 միլիարդ դոլարի։
