Լոնդոնի հակաահաբեկչական ոստիկանության ստորաբաժանումը հայտնել է, որ ուսումնասիրում է հյուսիսիռլանդական KneeCap ռեփ խմբի համերգներից երկու տեսանյութ, որոնք կասկածվում են քաղաքական գործիչների դեմ բռնություն հրահրելու և արգելված ՀԱՄԱՍ-ին աջակցելու մեջ:
«Երկու տեսանյութերն էլ ներկայացվել են Համացանցային ահաբեկչության բաժնին՝ մասնագետների գնահատման համար, որոնք եզրակացրել են, որ երկու տեսանյութերի հետ կապված հնարավոր հանցագործությունները հետագա հետաքննելու հիմքեր կան», - ասվում է իրավապահների հայտարարության մեջ։ Տեքստը մեջբերում է Standard-ը։
Նշվում է, որ առաջին տեսանյութը ոստիկանություն է ներկայացվել ապրիլի 22-ին, իսկ ավելի ուշ բողոք է ստացվել խմբի մեկ այլ համերգից տեսագրության վերաբերյալ։ Խոսքը, հավանաբար, վերաբերում է 2023 թվականի նոյեմբերի և 2024 թվականի նոյեմբերի ներկայացումներին։
